काठमाडौं । सडक बत्तीको बक्यौता महसुल बुझाउन स्थानीय तहले किस्ताबन्दी सुविधा पाउने भएका छन्।

नेपाल विद्युत् प्राधिकरणले आज एक सूचना जारी गर्दै यसबारेमा जानकारी गराएको हो। प्राधिकरणले सडक बत्ती जडान गरी विद्युत् उपभोग गरेका स्थानीय तहहरुले तिर्नुपर्ने थप दस्तुरसहितको बक्यौता विद्युत् महसुल बढीमा ६० महिनासम्मको किस्ताबन्दीमा बुझाउन पाउने व्यवस्था गरेको छ।

सम्बन्धित स्थानीय तहले ४५ दिनभित्र प्राधिकरणको सम्बन्धित वितरण केन्द्रमा सम्पर्क गरी किस्ताबन्दीका लागि आवेदन दिन प्राधिकरणले आग्रह गरेको छ ।

आवेदन  दिएका  स्थानीय  तहले उक्त किस्ताबन्दी सुविधा उपभोग गर्न पाउने प्राधिकरणले जनाएको छ।