काठमाडौं । नबिल बैंक लिमिटेडले काठमाडौं उपत्यकामा सञ्चालनमा रहेका तीन वटा शाखामध्ये दुई शाखा समायोजन गर्ने भएको छ । बैंकले नयाँ बानेश्वर, बिजुलीबजार र शंखमूलमा रहेका शाखामध्ये बिजुलीबजार र शंखमूल शाखा बन्द गर्दै सेवा नयाँ बानेश्वर शाखाबाट मात्र सञ्चालन गर्ने भएको हो ।

बैंकले आइतबार सूचना जारी गर्दै वैशाख २१ गतेदेखि बिजुलीबजार र शंखमूल शाखाबाट हुने सम्पूर्ण बैंकिङ सेवा बन्द हुने र ती शाखाका सबै सेवा नयाँ बानेश्वर शाखामा सारिने जानकारी दिएको छ ।

यससँगै ती शाखामा रहेका ग्राहकका खाता तथा लकर सेवा पनि नयाँ बानेश्वर शाखामै स्थानान्तरण गरिने बैंकले जनाएको छ ।