सार्वजनिक खरिद अनुगमन कार्यालयले चार निर्माण व्यवसायी तथा आपूर्तिकर्ता कालोसूचीमा
काठमाडौँ । सार्वजनिक खरिद अनुगमन कार्यालयले चार वटा निर्माण व्यवसायी तथा आपूर्तिकर्तालाई कालोसूचीमा राखेको छ ।
अनुगमन कार्यालयले आज एक सूचना जारी गरी तीन कम्पनीलाई दुई वर्ष र एक कम्पनीलाई एक वर्षका लागि कालोसूचीमा राखिएको विवरण सार्वजनिक गरेको हो ।
विभिन्न निकायबाट लेखी आएबमोजिम मंसिर ३ गतेको निर्णयानुसार सार्वजनिक खरिद ऐन, २०६३ को दफा ६३ को उपदफा (१) बमोजिम सूचना प्रकाशित भएको मितिदेखि लागु हुने गरी चार निर्माण कम्पनीलाई कालोसूचीमा राखिएको हो ।
कालोसूचीमा परेका निर्माण कम्पनीहरूले कालोसूचीमा परेको अवधिभर सार्वजनिक निकायका कुनै पनि खरिद प्रक्रियामा भाग लिन नपाइने सूचनामा उल्लेख गरिएको छ ।
हेर्नुहोस् सूची :

वि.सं.२०८३ मंसिर ४ ०७:२८




















