काठमाडौँ । नेपाल बैंक लिमिटेड र मोरङ जिल्ला, बिराटनगर–१० स्थित न्युरो कार्डियो एण्ड मल्टिस्पेसियालिटी हस्पिटल प्रा.लि. बीच स्वास्थ्य सेवामा विशेष छुट प्रदान गर्ने सम्बन्धी सम्झौता सम्पन्न भएको छ।

सम्झौता अनुसार नेपाल बैंकका कर्मचारी तथा ग्राहकले अस्पतालले उपलब्ध गराउने स्वास्थ्य सेवामा ५ देखि ५० प्रतिशतसम्म छुट पाउने व्यवस्था गरिएको छ।

२०८२ साल भदौ २ गते भएको सम्झौतापत्रमा नेपाल बैंक लिमिटेडको तर्फबाट कोशी प्रादेशिक कार्यालय प्रमुख सूर्यप्रकाश भट्ट र अस्पतालका निर्देशक राजेश भट्टराईले हस्ताक्षर गरेका थिए।

नेपालको पहिलो बैंक नेपाल बैंकले आफ्ना कर्मचारी र ग्राहकलाई थप सुविधामुखी सेवामा जोड दिँदै यस्ता सहकार्यलाई निरन्तरता दिइरहेको जनाएको छ।