काठमाडौं । इन्फिनिटी लघुवित्त वित्तीय संस्था लिमिटेडले नेपाल एग्रो लघुवित्तलाई प्राप्ती गर्नका लागि नेपाल राष्ट्र बैंकले अन्तिम स्वीकृति प्रदान गरेको छ ।

संस्थालाई एक आपसमा गाभिन वा एक्विजिशनका सैदान्तिक सहमति प्रदान गर्दा तोकिएको शर्त तथा प्रक्रियाहरु पुरा गरी अन्तिम स्वीकृतिका लागि पेश गरेको निवेदन राष्ट्र बैंकले स्वीकृति दिएको हो ।

नेपाल एग्रो लघुवित्तको १०० कित्ता शेयर बराबर इन्फिनिटी लघुवित्तको ९८ कित्ता शेयर (१ः०.९८) दिने गरी विषेश साधारण सभाबाट पारित भइसकेको छ ।

इन्फिनिटी लघुवित्तले नेपाल एग्रो लघुवित्तलाई प्राप्ति गर्न गत माघ २६ गते दुवै पक्ष बीच भएको सहमतिलाई नेपाल राष्ट्र बैंकबाट मिति जेठ ११ गते सैद्धान्तिक सहमति प्राप्त भइसकेको छ ।